“Chelsi” Angliya Premyer Ligasi 26-turi doirasida kechgan “Kristal Pelas”ga qarshi 19-fevral kungi o‘yinda (1:0) g‘alaba qozondi.
Mazkur uchrashuvda to‘liq harakat qilgan “ko‘klar” forvardi Romelu Lukaku to‘pga bor-yo‘g‘i yetti marta tegindi.
Bu o‘yinda to‘liq harakat qilgan maydon o‘yinchilari (darvozabondan tashqari) orasida APL antirekordi hisoblanadi. Mazkur statistika 2003/04-yilgi mavsumdan beri hisoblab kelinadi.
Birinchi bo‘limda belgiyalik hujumchi to‘pga ikki marta tegindi, ulardan biri uchrashuv startida to‘pni o‘yinga kiritib berish vaqtida amalga oshirilgan.
“Chelsi” Lukakuni 2021-yilning yozida 115 million yevro evaziga “Inter”dan sotib olgandi. Belgiyalik futbolchi joriy mavsum APLda 17 ta o‘yin o‘tkazib, 5 ta gol urishga erishdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)