O‘zbekistonda ilk bor o‘tkazilgan U-19 voleybol bo‘yicha jahon chempionati o‘z yakuniga yetdi. Toshkentda 24-iyul kuni start olgan va dunyoning eng kuchli jamoalarini bir maydonga to‘plagan yigitlar o‘rtasidagi kichik mundialda Fransiya chempionlikni qo‘lga kiritdi.
Fransiya musobaqaning final uchrashuvida amaldagi chempion sifatida ishtirok etib, Polshani 3:1 hisobida mag‘lub etdi va yana bir bor jahon chempioni unvonini qo‘lga kiritdi. Bronza medali uchun kechgan murosasiz bahsda esa Ispaniya terma jamoasi Eron ustidan 3:2 hisobida zafar quchdi.
O‘zbekiston U-19 voleybol terma jamoasi ham musobaqada munosib ishtirok etdi. Guruh bosqichida ikki g‘alaba va uch mag‘lubiyat qayd etgan jamoa pley-off bosqichiga yo‘llanma oldi. 1/8 finalda o‘zbekistonlik sportchilar Italiya termasiga qarshi bahs olib borib, 0:3 hisobida imkoniyatni boy berdi. Natijada O‘zbekiston musobaqani 14-o‘rin bilan yakunladi.
Izoh (0)