Xitoyning Pekin shahri mezbonlik qilgan 2022-yilgi qishki Olimpiya o‘yinlari o‘z yakuniga yetdi.
4-fevral kuni start olgan Olimpiadaning so‘nggi musobaqalari 20-fevral kuni o‘tkazildi va barcha sovrindorlar ma’lum bo‘ldi.
Medallar reytingi bo‘yicha Norvegiya delegatsiyasi birinchi o‘rinni qo‘lga kiritdi. Norvegiyaliklar Pekin o‘yinlarida 16 ta oltin, 8 ta kumush va 13 ta bronzaga ega chiqdi. Germaniya ikkinchi o‘rinni band etgan bo‘lsa, mezbonlar kuchli uchlikdan o‘rin oldi.
Pekin—2022. Medallar reytingi
- Norvegiya – 16-8-13 (37)
- Germaniya – 12-10-5 (27)
- Xitoy – 9-4-2 (15)
- AQSh – 8-10-7 (25)
- Shvetsiya – 8-5-5 (18)
- Niderlandiya – 8-5-4 (17)
- Avstriya – 7-7-4 (18)
- Shveysariya – 7-2-5 (14)
- Rossiya – 6-12-14 (32)
- Fransiya – 5-7-2 (14)
Eslatib o‘tamiz, O‘zbekiston nomidan ushbu Olimpiya o‘yinlarida qatnashgan yagona sportchi Komiljon To‘xtayev tog‘ chang‘isi bo‘yicha slalom va gigant slalom yo‘nalishida ishtirok etdi. Gigant slalomda 29-pog‘onani band etgan sportchi, slalom bahslarini muddatidan avval yakunlagandi.
Izoh (0)