Ukraina prezidenti Vladimir Zelenskiy Rossiya prezidenti Vladimir Putin bilan “istalgan format”da uchrashishga tayyor. Bu haqda Ukraina yetakchisi “RBK-Ukraina” nashriga bergan intervyusida ma’lum qildi.
Zelenskiy “to‘g‘ridan to‘g‘ri muzokaralarga ikki yarim yildan buyon” tayyorligini aytgan.
Uning so‘zlariga ko‘ra, har safar “Rossiya deeskalatsiya to‘g‘risida gapirishga tayyorligini aytganda” Kiyev Moskvaga ushbu uchrashuv “biror formatda o‘tkazilishini” so‘rab, so‘rov yuboradi. Ammo Zelenskiyning fikricha, “aslida ular muloqot qilishga tayyor emas”.
Rossiya prezidentining matbuot kotibi Dmitriy Peskovning ma’lum qilishicha, Moskva bu kabi takliflarni ko‘p marta olgan, biroq har safar Kiyev bunday uchrashuv nima sababdan kerakligi to‘g‘risidagi savolga javob qaytarmagan. Uning ta’kidlashicha, Ukraina tomoni “faqat Donbass haqida” gapirishni xohlaydi. “Boshqa mavzular bo‘yicha bizga savollaringiz bormi? Jim bo‘lishadi”, — deydi Peskov.
Bayonot Ukraina qurolli kuchlari tomonidan Donbassda olib borilayotgan Qo‘shma kuchlar operatsiyasi o‘tkazilayotgan zonada berilgan.
Eslatib o‘tamiz, 2021-yilning 20-aprel kuni Zelenskiy Putinga Ukrainaning Donbassidagi urush ketayotgan istalgan joyida uchrashishni taklif qilgandi. Putin bunga javoban agar Ukraina prezidenti Donbass muammosini muhokama qilmoqchi bo‘lsa, avval u Donetsk va Lugansk Xalq Respublikalarining rahbarlari bilan uchrashishi kerakligini va shundan keyingina uchinchi tomon sifatida Rossiya rahbariyati bilan uchrashishi mumkinligini aytgan. Shuningdek, u Rossiya tomonining Ukraina bilan ikki mamlakat o‘rtasidagi munosabatlar haqida gaplashishga tayyorligini bildirgan va Zelenskiyni “o‘ziga qulay bo‘lgan istalgan vaqtda” Moskvaga kelishga taklif qilgan. Ukraina prezidenti dekabr oxirida ham Putin bilan uchrashishga tayyorligini bildirgandi.
Izoh (0)