Ozarbayjon hukumati O‘zbekiston va yana 16 davlat fuqarolarining mamlakatga havo transporti orqali erkin kirishi mumkinligi haqida qaror qabul qildi, deb xabar beradi “Dunyo” agentligi.
Mamlakatning Bokudagi elchixonasidan olingan ma’lumotga ko‘ra, ushbu hujjatga muvofiq, O‘zbekiston fuqarolari koronavirusga qarshi emlashning to‘liq kursini olganini tasdiqlovchi rasmiy sertifikat yoki COVID-19 virusidan sog‘aygani to‘g‘risidagi rasmiy sertifikat asosida Ozarbayjon Vazirlar Mahkamasi huzuridagi tezkor shtabdan ruxsat olmasdan, havo transporti orqali ushbu mamlakatga kirishi mumkin.
Shuningdek, jo‘nashdan oldin 72 soatgacha bo‘lgan muddatda olingan PZR-testining manfiy natijasi haqidagi sertifikat ham talab qilinadi.
Uzbekistan Airways’ning ma’lum qilishicha, Hindistonga jo‘nab ketishni rejalashtirayotgan o‘zbekistonliklar uchun ham bir qator talablar joriy etilgan.
Ta’kidlanishicha, yo‘lovchilar quyida keltirilgan talablarni bajarishlari shart:
- Hindistonga kirish uchun amaldagi sayohat hujjatini;
- PZR (COVID-19 RT-PCR) testining ingliz tilidagi manfiy natijasini;
- To‘liq to‘ldirilgan so‘rovnomani;
- Hindiston tomonidan so‘rovnoma qabul qilinganining tasdig‘ini taqdim etishi lozim.
Izoh (0)