Rossiyadagi AQSh elchisining o‘rinbosari Bartl Gorman mamlakatdan chiqarib yuborildi. Bu haqda elchixona “RIA Novosti”ga ma’lum qildi.
Elchixona bu qaror sabablarini ochiqlamagan. Qayd etilishicha, Qo‘shma Shtatlar hodisani “eskalativ qadam” deb hisoblamoqda va diplomatning chiqarib yuborilishiga javob qaytarish imkoniyatini ko‘rib chiqmoqchi.
Diplomatik missiya, shuningdek, Gorman AQShning Moskvadagi elchixonasidagi ikkinchi muhim amaldor va “elchixona yuqori rahbariyatining asosiy a’zosi” ekanini ta’kidlagan.
Keyinroq ma’lum bo‘lishicha, Rossiya Tashqi ishlar vazirligi Vashingtondagi Rossiya elchixonasining elchi-maslahatchisi AQShdan chiqarib yuborilishiga javoban Bartl Gormanni mamlakatdan chiqarib yuborgan.
AQSh va Rossiya o‘rtasidagi munosabatlar so‘nggi oylarda Ukraina atrofidagi vaziyat tufayli yomonlashgan. Vashingtonning fikricha, Rossiya Federatsiyasi qo‘shni davlat hududiga bostirib kirishi mumkin; Moskva buni rad etmoqda va AQShni vaziyatni ataylab keskinlashtirganlikda ayblamoqda.
Mavzuga doir:
- AQSh 24 nafar rossiyalik diplomatdan mamlakatni tark etishni so‘radi
- Buyuk Britaniya Rossiya elchisini “Rossiyaning zararli xatti-harakatlari” munosabati bilan hukumatga chaqirdi. Rossiya ham xuddi shunday javob qaytardi
- AQSh Rossiyadagi elchisini o‘zgartirmaslikka qaror qildi. Avvalroq Rossiya AQShdagi elchisini chaqirib olgan edi
Izoh (0)