Las-Vegasda 26-fevral kuni UFC Fight Night 202 musobaqasi doirasida bo‘lib o‘tishi rejalashtirilgan Islom Maxachev va Beneil Dariush o‘rtasidagi jang bekor qilindi.
Ma’lum bo‘lishicha, Dariush jarohat olib safdan chiqdi. Natijada Islom Maxachevning raqibi o‘zgardi. Islomga bu jangda amerikalik Bobbi Grin raqiblik qiladigan bo‘ldi.
Grin so‘nggi ikkita jangida Al-Yakvinta va Nasrat Haqparastni mag‘lub etgandi.
Maxachev esa oxirgi jangini 2021-yilning oktabrida Den Hukerga qarshi o‘tkazib, 1-raunddayoq og‘ritish usuli evaziga g‘alaba qozongan edi. Islom 9 jangdan buyon mag‘lubiyatsiz seriya qayd etmoqda va yengil vazn divizioni reytingida 4-pog‘onadan joy olgan. Grin esa top-15 likka kirmagan.
UFC Fight Night 202 musobaqasi 26-fevral (Toshkent vaqti bilan 27-fevral tongi) sanasida bo‘lib o‘tishi rejalashtirilgan.
Izoh (0)