Unga ko‘ra, O‘zbekiston terma jamoasi mezbonlardan biri bo‘ladi. Yana Hindiston, Kuvayt, Qirg‘iziston, Malayziya va Mo‘g‘uliston saralash bahslariga mezbonlik qiladi.
Saralashga 24-fevral sanasida qur’a tashlanadi. 24 ta jamoa oltita guruhga bo‘lingan holda kurash olib boradi.
Saralash uchrashuvlari shu yilning 8—14-iyun kunlari bo‘lib o‘tadi. Osiyo Kubogi 2023-yilning 16-iyunida start oladi.
JCh—2022 va OK—2023 qo‘shma saralashining ikkinchi bosqich natijalariga ko‘ra, 12 ta terma jamoa va mezbon Xitoy Osiyo Kubogining final bosqichiga yo‘llanma olgan. Qolgan 11 ta litsenziya esa ushbu saralash bosqichida o‘z egasini topadi.
Eslatib o‘tamiz, O‘zbekiston milliy terma jamoasi JCh—2022 va OK—2023 qo‘shma saralashining ikkinchi bosqichida D guruhida ikkinchi o‘rinni olgandi. O‘zbekiston eng yaxshi ikkinchi o‘rinlar qatoriga kira olmagan va JCh—2022 uchinchi saralash bosqichi bilan birga OK—2023 ga to‘g‘ridan to‘g‘ri yo‘llanmadan quruq qolgandi.
Izoh (0)