Futbol bo‘yicha Yevropa Chempionlar Ligasi nimchorak final bosqichidan o‘rin olgan ikki uchrashuv 16-fevral, chorshanba kuni bo‘lib o‘tdi.
“Inter” o‘z maydonida “Liverpul”ni qabul qilib, 0:2 hisobida mag‘lubiyatga uchradi. O‘yinning katta qismida hisob ochilmadi, faqatgina 75-daqiqada Roberto Firmino burchakdan oshirilgan to‘pni boshi bilan darvozaga yo‘llab, mehmonlarni oldinga olib chiqdi. 83-daqiqada esa Muhammad Saloh milanliklar jarima maydonchasi ichidagi tartibsizlikdan foydalanib, oradagi farqni oshirdi.
Shu tariqa “Liverpul” safarda kechgan o‘yinda “Inter”ni ishonchli hisobda mag‘lub etib, javob bahsi oldidan imkoniyatlarini oshirib oldi.
“Bavariya” safarda “Zalsburg” mehmoni bo‘lib, kutilmaganda durang natija qayd etdi. 21-daqiqada Junior Adamu ajoyib zarbasi bilan hisobni ochgan bo‘lsa, myunxenliklar uchrashuvning so‘nggi daqiqasida Kingsli Komanning goli evaziga mag‘lubiyatdan qutilib qolishning uddasidan chiqdi.
Har ikkala qarama-qarshilik o‘rtasidagi javob bahslari 8-mart sanasiga belgilangan.
Yevropa Chempionlar Ligasi
1/8 final, dastlabki bahslar
16-fevral, chorshanba
“Inter” Italiya – “Liverpul” Angliya 0:2
Gollar: 0:1 – 75 Firmino, 0:2 – 83 Saloh.“Inter”: Handanovich, Dumfris (Darmian, 87), de Vrey (Ranokkiya, 87), Shkrinyar, Bastoni (Dimarko, 90), Perishich, Vidal (Galyardini, 87), Brozovich, Chalxano‘g‘lu, Jeko, Martines (Sanches, 70).
“Liverpul”: Alisson, Aleksander-Arnold, van Deyk, Konate, Robertson, Tiago Alkantara (Milner, 86), Fabinyo (Henderson, 59), Elliott (Keyta, 59), Saloh, Mane (Dias, 59), Diogu Jota (Firmino, 46).
“Zalsburg” Avstriya – “Bavariya” Germaniya 1:1
Gollar: 1:0 – 21 Adamu, 1:1 – 90 Koman.“Zalsburg”: Ken, Kristensen, Veber, Sole, Ulmer, Kamara, Zayvald (Suchich, 80), Kapaldo, Aaronson, Okafor (Adamu, 12), Adeyemi (Kyergor, 87).
“Bavariya”: Ulrayx, Zyule, Ernandes, Pavar, Gnabri (Shupo-Moting, 77), Tolisso (Zabitser, 80), Kimmix, Myuller, Levandovski, Koman, Sane.
Ogohlantirishlar: Koman (83), Ken (87), Zabitser (90).
Izoh (0)