AQSh Geologiya xizmati (USGS) mutaxassislari O‘zbekiston Davlat geologiya va mineral resurslar qo‘mitasi bilan birgalikda respublikadagi slanets gazi va neft zaxiralarini o‘rganadi. Bu haqda “Dunyo” axborot agentligi xabar bermoqda.
Unga ko‘ra, O‘zbekistonning AQShdagi elchisi Javlon Vahobov va AQSh Geologiya xizmati katta ilmiy xodimi Ingrid Verstraten o‘rtasida muzokaralar bo‘lib o‘tgan. Natijada amerikalik mutaxassislar va O‘zbekiston geologlari ham kelishuvga erishgan.
“Neft va gaz resurslarini qidirishga ixtisoslashgan USGS guruhi Samarqand, Jizzax va Surxondaryo viloyatlaridagi slanets nefti va slanets gazining potentsial konlarini aniqlash maqsadida 2022-yilning may oyida O‘zbekistonga tashrif buyurishni rejalashtirmoqda”, — deyiladi xabarda.
Shuningdek, joriy yilning yozida amerikalik ekspertlar guruhi o‘zbekistonlik hamkasblari bilan birgalikda O‘zbekistonning tog‘ tizmalarida geologik tadqiqotlar va mineral resurslarni qidirish ishlarini olib borishi xabar qilingan.
Izoh (0)