Surxondaryo viloyatida fuqaroni maktab internati direktori lavozimiga tayinlamoqchi bo‘lgan o‘rinbosar va uning sherigi — kadrlar bo‘limi boshlig‘i ushlandi, deb xabar beradi Bosh prokuratura huzuridagi departament.
Ma’lum qilinishicha, departament hamda DXXning Surxondaryo viloyati boshqarmalari tomonidan tezkor tadbir o‘tkazilgan. Tadbirda Sho‘rchi tumanidagi ko‘zi ojizlar va zaif ko‘ruvchi bolalarga ixtisoslashtirilgan maktab internati direktorining o‘rinbosari U.Ya. fuqaro B.ning ishonchiga kirib, uni 13 ming dollar evaziga xalq ta’limi boshqarmasida ishlovchi tanishi orqali o‘zi ishlaydigan internat direktori lavozimini olib berishni va’da qilgani aniqlangan. U.Ya. kelishilgan puldan 5 ming dollarini olgan vaqtida ashyoviy dalillar bilan ushlangan.
Uning ko‘rsatuviga asosan davom etgan tadbirda Surxondaryo viloyati xalq ta’limi boshqarmasi kadrlar bo‘limi boshlig‘i B.E. 5 ming dollarni olgan vaqtida ashyoviy dalillar bilan qo‘lga olingan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Surxondaryoda darslarga qatnashmasdan, 15 kunda “prava” olib berishni va’da qilgan instruktor ushlangani, Xorazmda 10 mln so‘m pora olgan bandlikka ko‘maklashish markazi direktori 5 yilga qamalgani to‘g‘risida xabar berilgandi.
Mavzuga doir:
- Andijonda fuqaroning MIB hisobiga o‘tkazib yuborgan ortiqcha 7,5 million so‘mni qaytarish uchun 3 mln so‘m talab qilgan bank yuristi va MIB xodimi qamoqqa olindi
- O‘zbekistonda 2021-yilda qancha mansabdorlar jinoiy javobgarlikka tortilgani ma’lum qilindi
- Toshkentda ipoteka krediti ajratib berish evaziga fuqarodan 2 ming dollar talab qilgan bank bo‘limi boshlig‘i ushlandi
Izoh (0)