Ўзбекистон парламенти Қонунчилик палатаси спикери Нурдинжон Исмоилов 9 февраль куни Қозоғистон президенти Қосим-Жўмарт Тўқаев билан учрашди. Бу ҳақда президент матбуот хизмати хабар берди.
Қайд этилишича, Қозоғистон президенти мамлакатлар мустаҳкам дўстлик ва яхши қўшничилик ришталарига, умумий маданий қадриятларга таянган ҳолда мустаҳкам ва тотув муносабатлар ўрнатганини, бу давлатлараро шериклик намунаси эканини таъкидлади.
«Ўзбекистон Қозоғистон учун қардош давлат ва ишончли ҳамкордир, шунинг учун биз муносабатларимизни ривожлантиришга алоҳида эътибор қаратамиз. Бизнинг иттифоқчилик муносабатларимиз сиёсий, савдо-иқтисодий, гуманитар ва маданий соҳалар каби кенг қамровга эга. Бу борада парламент дипломатияси алоҳида ўрин тутади», — Қосим-Жўмарт Тўқаев.
Президент Шавкат Мирзиёевнинг Қозоғистон—Ўзбекистон ҳамкорлигини иттифоқчилик даражасига олиб чиқиш имконини берган 2021 йилнинг декабрида Қозоғистонга давлат ташрифи якунларини юқори баҳолаган.
Нурдинжон Исмоилов эса учрашиш имконияти учун Қосим-Жўмарт Тўқаевга миннатдорлик билдириб, Ўзбекистон президенти Шавкат Мирзиёевнинг самимий тилаклари ва илиқ саломларини етказган.
Изоҳ (0)