Qozog‘iston prezidenti Qosim-Jo‘mart To‘qayev mamlakat ishbilarmon doiralari vakillari bilan uchrashuvda O‘zbekistonni havas bilan tilga oldi. Bu haqda telejurnalist Xayrulla Nuriddinov “O‘zbekiston 24” telekanalida efirga uzatilgan “Menimcha” ko‘rsatuvida aytib o‘tdi.

Foto: Qozog‘iston pezident matbuot xizmati

“Biz neft-gaz sohasida SSSR davridan buyon mavjud zavodlarni ta’mirlab kelyapmiz.  Bu paytda qo‘shni O‘zbekiston 3-4 ta yangi zavod qurishning uddasidan chiqdi. Bir qarashda odamning havasi keladi”, — degan To‘qayev.

Ma’lumot uchun O‘zbekistonda 2001-yilda Sho‘rtan gaz-kimyo majmuasi, 2016-yilda Ustyurt  gaz-kimyo majmuasi, 2021-yilda esa neft va gaz sanoati bo‘yicha Uzbekistan GTL zavodi ishga tushirildi.