Yaponiyada kuchli qor bo‘ronlari kuzatildi va mamlakatning ayrim hududlariga rekord darajada qor tushgan. Bu haqda The Weathers xabar berdi.
Yaponiya meteorologiya agentligi qor bo‘ronlari qishki sovuq havo massasining ortib ketishi bilan bog‘liqligini qayd etgan.
Tiga prefekturasining Maybara shahrida rekord darajada qor yog‘gan va qorning qalinligi 62 santimetrgacha yetgan. Hokkaydodagi Sapporo shahrida esa bir sutka ichida 60 santimetr qor yog‘gan.
Sapporodagi qorning umumiy qalinligi ayrim joylarda 133 santimetrga yetgan. Hududda poyezdlar qatnovi vaqtincha to‘xtatilgan. Sekigaxarada esa ikki sutka davomida 98 santimetr qor yog‘gan va bu ham mazkur hudud uchun rekord ko‘rsatkich hisoblanadi.
Yaponiya meteorologiya agentligi qor bo‘ronlari kuzatilgan hududlarda yashovchi aholini elektr ta’minotida uzilishlar bo‘lishi, qor ko‘chkilari xavfi va boshqa baxtsiz hodisalar kuzatilishi mumkinligidan ogohlantirgan.
Avval Avstriyada qor ko‘chishi oqibatida besh kishi halok bo‘lgani, AQShga yopirilgan bo‘ron oqibatida qariyb 300 ming kishi elektrsiz qolgani, Turkiyadagi qor besh mingdan ziyod yo‘lni yopib qo‘ygani, Gretsiyada kuchli qor sabab 5 mingdan ortiq mashina ishtirokida tirbandlik yuzaga kelgani haqida xabarlar berilgan.
Izoh (0)