Estoniya o‘z tarixida rekord qiymatdagi harbiy texnika xarid qilishni rejalashtirmoqda. Estoniya Mudofaa investitsiya markazi Latviya Mudofaa vazirligi bilan birgalikda umumiy qiymati 693 million yevroga teng 16 xil turdagi harbiy texnika sotib oladi. Bu haqda “Korrespondent.net” xabar berdi.
“Qo‘shma xaridlar, shubhasiz, muzokaralar uchun ancha yaxshi pozitsiya garovidir, shuningdek, savdo uchun yaxshi shart va narxlar bilan ta’minlaydi”, — deyiladi Mudofaa investitsiya markazi bayonotida.
Estoniya Mudofaa investitsiya markazining transport bo‘limi boshlig‘i Tomas Kaldaning so‘zlariga ko‘ra, tender doirasida kelgusi o‘n yil ichida Estoniya mudofaa kuchlari, xalq lashkari (Mudofaa ligasi), politsiya va chegara qo‘shinlari, shuningdek, Latviya Mudofaa vazirligiga bo‘ysunadigan muassasalarning ehtiyojlari uchun ko‘p sonli 16 turdagi uskunalarni yetkazib beradigan sherik topish rejalashtirilgan.
Xaridning bir qismi sifatida ham yangi, ham ishlatilgan uskunalar sotib olinadi. Xarid ikki bosqichda amalga oshiriladi: birinchi bosqichda yuk ko‘tarish quvvati besh tonnagacha bo‘lgan avtomobillar, keyin esa kengroq jihozlar xarid qilinadi, deyiladi xabarda. Estoniya uchun bu xarid tarixdagi eng yirigi bo‘ladi.
Avvalroq Estoniya, Latviya va Litva NATOdan ushbu mamlakatlar hududidagi harbiy ishtirokini oshirishni so‘ragandi. Qayd etilishicha, NATO harbiy ishtirokini kengaytirish Rossiyani “tiyib turuvchi omil” bo‘lishi mumkin.
Izoh (0)