So‘nggi yillarda mamlakatimizda qulay investitsiyaviy muhitni yaratish, xususiy mulk egalarining huquqlari va qonuniy manfaatlarini himoya qilish yuzasidan tizimli islohotlar amalga oshirilmoqda.
Prezident 2019-yilda Oliy Majlisga Murojaatnomasida korrupsiyaga qarshi kurashishda uning oqibatlariga qarshi kurashish bilan emas, balki jamiyatning barcha a’zolarini “halollik vaksinasi” bilan emlash orqali, korrupsiyaviy holatlarning barvaqt ogohlantirish tizimini joriy etish bilangina yuqori natijalarga erishish mumkinligini ta’kidladi.
“O‘zavtosanoat” AJ tarkibiga kiruvchi tizim korxonalarida korrupsiyaga oid huquqbuzarliklarning o‘z vaqtida oldi olinishini, aniqlanishini va ularga chek qo‘yilishini ta’minlashga alohida e’tibor qaratilmoqda. Kompaniyada 2018-yilda korrupsiyaga qarshi kurashishda birinchilardan bo‘lib komplayens nazorat tizimi joriy etildi.
Ushbu tizim xalqaro standartlarga muvofiq xorijda korrupsiyaga qarshi kurashish to‘g‘risidagi AQSh qonunchiligi tamoyillari (FCPA) va Buyuk Britaniyaning korrupsiya to‘g‘risidagi qonuni (UKBA)ga asoslanib ishlab chiqilgan.
Bundan tashqari, kompaniya yirik xalqaro tashkilotlar bilan hamkorlik doirasida, jumladan, BMTning korrupsiyaga barham berish va jamiyatda korrupsiyaga nisbatan murosasizlikni shakllantirish chora-tadbirlarini amalga oshirishga qaratilgan tajribasini hisobga olgan holda, UzAuto strukturasidagi tizim korxonalarning xodimlari uchun seminarlar o‘tkazish tashabbusi bilan chiqdi.
“O‘zavtosanoat”da Birlashgan Millatlar Tashkilotining Narkotiklar va jinoyatchilik bo‘yicha boshqarmasi korrupsiyaga qarshi kurash dasturining milliy koordinatori Azat Irmanov trening davomida ta’kidlaganidek, xalqaro tashkilotlar bilan foydalanish muvaffaqiyatli hamkorlik hamda komplayens dasturida zamonaviy axborot texnologiyalari va ilg‘or bilimlardan yuqori ko‘rsatkichlarga erishishning imkonini yaratdi. Natijada bugungi kunda O‘zbekistonning tijorat korxonalari orasida UzAuto strukturasi komplayens nazorat tizimi va korrupsiyaga qarshi kurash bo‘yicha eng ilg‘or tashkilotlardan biriga aylandi.
Komplayens nazorat xizmati O‘zbekiston Respublikasi va AQSh qonunchiligi talablarini hisobga olgan holda, biznes hamkorlarning umumiy ishonchliligini o‘rganish amaliyotini ham yo‘lga qo‘ydi.
Bunda, SPARK va DowJones (Dow Jones Risk & Compliance) ma’lumotlar bazasi yordamida kontragentlar bilan suhbatlashish va tekshirish uchun keng qamrovli tekshiruvlar o‘tkaziladi. Shuningdek, har bir shartnoma korrupsiyaga qarshi kurashish qonunchiligi va sanksiyalar ro‘yxati bo‘yicha tekshiruvdan o‘tkaziladi.
UzAuto komplayens nazorati o‘z faoliyati davomida turli investitsiya loyihalarida ishtirok etib, xorijiy hamkorlar orasida o‘z samaradorligini bir necha bor namoyish etgan. General Motors bilan Alyans shartnomasi doirasida komplayens nazorat xizmati shartnoma shartlarini bajarish va korrupsiyaga qarshi kurashishda eng yuqori standartlarni amalga oshirish bo‘yicha o‘z majburiyatlarini bajaradi.
O‘tgan vaqt mobaynida komplayens nazorat tizimi jahonning yetakchi kompaniyalari tomonidan o‘tkazilgan komplayens inspeksiyasidan muvaffaqiyatli o‘tdi. Natijada 2019-yilda O‘zbekistonda Volkswagen konserni bilan qo‘shma korxona tashkil etish bo‘yicha kelishuv imzolandi, 2020-yilda Shveysariyaning Credit Suisse AG kompaniyasidan 150 million yevro miqdorida kredit olindi, shuningdek, 2021-yilda Citi, RBI, MUFG va Natixis xalqaro banklari tomonidan muvaffaqiyatli sinov natijalari London fond birjasida 300 million AQSh dollari miqdoridagi yevroobligatsiyalarni chiqarish imkonini berdi.
UzAuto sanoat strukturasida komplayens nazorat xizmati qabul qilingan me’yoriy-huquqiy hujjatlar hamda korrupsiyaga qarshi kurashish bo‘yicha tegishli xalqaro va xorijiy tajribani tahlil qilish asosida uning samaradorligini oshirish hamda O‘zbekistonda komplayens tuzilmasini yanada takomillashtirish bo‘yicha ishlarni davom ettiradi.
Reklama huquqi asosida.
Izoh (0)