Сўнгги йилларда мамлакатимизда қулай инвестициявий муҳитни яратиш, хусусий мулк эгаларининг ҳуқуқлари ва қонуний манфаатларини ҳимоя қилиш юзасидан тизимли ислоҳотлар амалга оширилмоқда.
Президент 2019 йилда Олий Мажлисга Мурожаатномасида коррупцияга қарши курашишда унинг оқибатларига қарши курашиш билан эмас, балки жамиятнинг барча аъзоларини «ҳалоллик вакцинаси» билан эмлаш орқали, коррупциявий ҳолатларнинг барвақт огоҳлантириш тизимини жорий этиш билангина юқори натижаларга эришиш мумкинлигини таъкидлади.
«Ўзавтосаноат» АЖ таркибига кирувчи тизим корхоналарида коррупцияга оид ҳуқуқбузарликларнинг ўз вақтида олди олинишини, аниқланишини ва уларга чек қўйилишини таъминлашга алоҳида эътибор қаратилмоқда. Компанияда 2018 йилда коррупцияга қарши курашишда биринчилардан бўлиб комплаенс назорат тизими жорий этилди.
Ушбу тизим халқаро стандартларга мувофиқ хорижда коррупцияга қарши курашиш тўғрисидаги АҚШ қонунчилиги тамойиллари (FCPA) ва Буюк Британиянинг коррупция тўғрисидаги қонуни (UKBA)га асосланиб ишлаб чиқилган.
Бундан ташқари, компания йирик халқаро ташкилотлар билан ҳамкорлик доирасида, жумладан, БМТнинг коррупцияга барҳам бериш ва жамиятда коррупцияга нисбатан муросасизликни шакллантириш чора-тадбирларини амалга оширишга қаратилган тажрибасини ҳисобга олган ҳолда, UzAuto структурасидаги тизим корхоналарнинг ходимлари учун семинарлар ўтказиш ташаббуси билан чиқди.
«Ўзавтосаноат»да Бирлашган Миллатлар Ташкилотининг Наркотиклар ва жиноятчилик бўйича бошқармаси коррупцияга қарши кураш дастурининг миллий координатори Азат Ирманов тренинг давомида таъкидлаганидек, халқаро ташкилотлар билан фойдаланиш муваффақиятли ҳамкорлик ҳамда комплаенс дастурида замонавий ахборот технологиялари ва илғор билимлардан юқори кўрсаткичларга эришишнинг имконини яратди. Натижада бугунги кунда Ўзбекистоннинг тижорат корхоналари орасида UzAuto структураси комплаенс назорат тизими ва коррупцияга қарши кураш бўйича энг илғор ташкилотлардан бирига айланди.
Комплаенс назорат хизмати Ўзбекистон Республикаси ва АҚШ қонунчилиги талабларини ҳисобга олган ҳолда, бизнес ҳамкорларнинг умумий ишончлилигини ўрганиш амалиётини ҳам йўлга қўйди.
Бунда, SPARK ва DowJones (Dow Jones Risk & Compliance) маълумотлар базаси ёрдамида контрагентлар билан суҳбатлашиш ва текшириш учун кенг қамровли текширувлар ўтказилади. Шунингдек, ҳар бир шартнома коррупцияга қарши курашиш қонунчилиги ва санкциялар рўйхати бўйича текширувдан ўтказилади.
UzAuto комплаенс назорати ўз фаолияти давомида турли инвестиция лойиҳаларида иштирок этиб, хорижий ҳамкорлар орасида ўз самарадорлигини бир неча бор намойиш этган. General Motors билан Альянс шартномаси доирасида комплаенс назорат хизмати шартнома шартларини бажариш ва коррупцияга қарши курашишда энг юқори стандартларни амалга ошириш бўйича ўз мажбуриятларини бажаради.
Ўтган вақт мобайнида комплаенс назорат тизими жаҳоннинг етакчи компаниялари томонидан ўтказилган комплаенс инспекциясидан муваффақиятли ўтди. Натижада 2019 йилда Ўзбекистонда Volkswagen концерни билан қўшма корхона ташкил этиш бўйича келишув имзоланди, 2020 йилда Швейцариянинг Credit Suisse AG компаниясидан 150 миллион евро миқдорида кредит олинди, шунингдек, 2021 йилда Citi, RBI, MUFG ва Natixis халқаро банклари томонидан муваффақиятли синов натижалари Лондон фонд биржасида 300 миллион АҚШ доллари миқдоридаги еврооблигацияларни чиқариш имконини берди.
UzAuto саноат структурасида комплаенс назорат хизмати қабул қилинган меъёрий-ҳуқуқий ҳужжатлар ҳамда коррупцияга қарши курашиш бўйича тегишли халқаро ва хорижий тажрибани таҳлил қилиш асосида унинг самарадорлигини ошириш ҳамда Ўзбекистонда комплаенс тузилмасини янада такомиллаштириш бўйича ишларни давом эттиради.
Реклама ҳуқуқи асосида.
Изоҳ (0)