Namanganda amaliy tashrif bilan bo‘lib turgan Panjob viloyati gubernatori Muhammad Sarvar ko‘pkari musobaqalarida ishtirok etdi. Bu haqda “Daryo” muxbiri Azizbek Abduvaliyev xabar bermoqda.
Tadbir To‘raqo‘rg‘on tumanidagi “Dengiz tulpori” ot sporti maydonida tashkil etildi.
6,5 gektar yerda joylashgan ushbu sport maydonida nafaqat O‘zbekistonning turli viloyatlari, balki Qirg‘iziston, Qozog‘iston, Turkmaniston va Rossiyadan kelgan chavandozlar ishtirokida turli musobaqalar tez-tez o‘tkazib kelinmoqda.
Panjob gubernatori Namangan viloyati hokimi Shavkat Abdurazzaqov hamrohligida “Dengiz tulpori”ga kirib keldi va uzoq vaqt davomida ko‘pkari o‘yinlarini diqqat bilan kuzatdi.
Pokiston delegatsiyasi a’zolari ham maydonga tushib, o‘zlarini sinab ko‘rishdi va bu o‘yinlar ularda katta taassurot qoldirganini bildirishdi.
Mavzuga doir: Namangan hokimi viloyatning hosil bayramida uloq chopdi
Izoh (0)