Toshkent shahrida “Yashnobod tumangaz” ta’minoti bo‘limi xizmat boshlig‘i jinoyat ustida ushlandi. Bu haqda Iqtisodiy jinoyatlarga qarshi kurashish departamenti xabar qildi.
Qayd etilishicha, Bosh prokuratura huzuridagi departamentning Yashnobod tuman bo‘limi tomonidan fuqarolarning huquq va manfaatlarini himoya qilish yuzasidan tezkor tadbir o‘tkazilgan. Unda “Yashnobod tumangaz” ta’minoti bo‘limining Aholi iste’molchilar bilan ishlash xizmati boshlig‘i F.X. fuqaro B.ning xonadonidagi gaz sarfi qarzdorligi uchun hisoblangan 4 million so‘m penyani qayta hisob-kitob qilish orqali yo‘q qilib berishni va’da qilgani aniqlandi.
U evaziga pora talab qilib, o‘z xizmat xonasida 2,5 million so‘mni olgan vaqtida ashyoviy dalillar bilan ushlangan.
Holat yuzasidan Jinoyat kodeksining 210-moddasi (pora olish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Andijonda fuqaroning MIB hisobiga o‘tkazib yuborgan ortiqcha 7,5 million so‘mni qaytarish uchun 3 mln so‘m talab qilgan bank yuristi va MIB xodimi qamoqqa olindi
- Qashqadaryoda nafaqasini rasmiylashtirib berish evaziga 500 ming so‘m pora olgan shifokor 5 yilga qamaldi
- Toshkentda ipoteka krediti ajratib berish evaziga fuqarodan 2 ming dollar talab qilgan bank bo‘limi boshlig‘i ushlandi
Izoh (0)