Qashqadaryo viloyatining Qarshi tumaniga yangi hokim tayinlandi. Bu haqda “Daryo”ga viloyat hokimligi axborot xizmati rahbari Ahror Sodiqov ma’lum qildi.
Qayd etilishicha, 7-fevral kuni Xalq deputatlari Qarshi tuman kengashining navbatdagi sessiyasi chaqirilgan bo‘lib, unda tashkiliy masala ko‘rib chiqilgan. Sessiyada O‘zbekiston Qorako‘lchilik va pillachilikni rivojlantirish qo‘mitasi raisining birinchi o‘rinbosari Behzod Yusupov hokimlikka nomzod sifatida ilgari surilgan. Nomzod deputatlar tomonidan qo‘llab-quvvatlangan.
Avvalroq rasmiy manbalar tumanning sobiq hokimi Maqsuda Mustafoyeva o‘z arizasiga ko‘ra ishdan olinganini xabar qilgan bo‘lsa, “Daryo” manbasi esa hokim prezident raisligidagi videoselektorda ishdan olinganini bildirgandi.
Izoh (0)