Qashqadaryo viloyatida Hisor tog‘ tizmalarida joylashgan Hisor davlat qo‘riqxonasida yashaydigan 2 bosh qor qoploni kamera obyektiviga tushib qoldi. Bu haqda Davlat ekologiya qo‘mitasi xabar qildi.
Qayd etilishicha, Hisor davlat qo‘riqxonasi hududida yashaydigan qor qoploni mushuksimonlar oilasiga mansub bo‘lgan va Qizil kitobga kiritilgan noyob tur hisoblanadi. Qo‘riqxonaning Tanxozdaryo bo‘limi davlat nazoratchisi Jamshid Berdaliyev tomonidan Quralay soyiga qo‘yilgan kamera obyektiga 2 bosh qor qoploni muhrlangan.
Eslatib o‘tamiz, Hisor davlat qo‘riqxonasida qor qoploni 2020-yilning mart va aprel hamda 2021-yilning yanvar oylarida ham kamera obyektiviga tushgani haqida xabar berilgandi.
2020-yil yanvar oyining boshlarida O‘zbekistonda avval uchramagan hayvonlar ilk bor kameraga tushirilgani haqida xabar berilgandi. Fevral oyida esa Ustyurtdagi tuzoq kameralar leopardni rasmga olishga muvaffaq bo‘lgandi. Ugom-Chotqol davlat milliy tabiat bog‘ida o‘rganishlar chog‘ida yo‘qolib ketish xavfi ostida turgan qor qoploni hamda oq tirnoqli Tyan-Shan qo‘ng‘ir ayig‘i fotoqopqonda qayd etilgandi.
Izoh (0)