So‘nggi kunlarda mamlakat yo‘llarida sodir bo‘lgan yo‘l-transport hodisalari tafsilotlarini taqdim etamiz.
Yunusobodda 18 yoshli haydovchi piyodani urib ketdi
21-yanvar kuni, taxminan, soat 20:00 da Yunusobod tumanida yo‘l-transport hodisasi ro‘y berdi. Amir Temur ko‘chasida 18 yoshli haydovchi X.K. tegishli hujjatlarsiz Volkswagen avtomobilini boshqarib, piyodani urib yuborgan.
Oqibatda 59 yoshli T.M. badan shikastlari bilan shifoxonaga yetkazilgan. Voqeaga haydovchining tajribasiz ekani va piyoda yo‘lning belgilanmagan qismidan kesib o‘tgani sabab bo‘lgan.
Namanganda Lacetti beton to‘siqqa urildi
2022-yil 29-yanvar kuni soat 19:00 larda Baliqchi–Pungon yo‘lining 62 kilometrida Mingbuloq tumani “Qo‘g‘aliko‘l” MFY hududida Mingbuloq tumanida yashovchi fuqaro (1968-yilda tug‘ilgan) To‘raqo‘rg‘on tumanida yashovchi fuqaroni (1966-yilda tug‘ilgan) nomida bo‘lgan Lacetti rusumli avtomashinani ishonch qog‘ozi bilan boshqarib borayotib, harakat xavfsizligini ta’minlay olmay, yo‘lning o‘ng tomoniga chiqib ketib, boshqaruvni yo‘qotib, beton to‘siqqa urilgan.
Oqibatda avtomashina haydovchisi og‘ir tan jarohati olib, voqea joyida vafot etgan.
Ushbu holat bo‘yicha Mingbuloq tuman IIB huzuridagi TB tomonidan 2022-yil 29-yanvar kuni 266-moddasi 2-qismi (odam o‘limiga sabab bo‘lgan transport vositalaridan foydalanish xavfsizligi qoidalarini buzish) bilan jinoyat ishi qo‘zg‘atilgan.
Izoh (0)