Angliyaning “Blekpul” jamoasi futbolchisi Oliver Sharkich faoliyatini “Paxtakor”da davom ettiradi. Bu haqida jamoa matbuot xizmati ma’lum qildi.
Hujumchi ingliz jamoasini erkin agent sifatida tark etdi va “sherlar” bilan 2022-yil so‘ngiga qadar mo‘ljallangan shartnomaga imzo chekdi.
Ma’lumot uchun, Sharkich 1997-yilning 23-iyulida Angliyaning Grimsbi shahrida tavallud topgan. Oliver “Anderlext” va “Benfika” jamoalari tarbiyalanuvchisi hisoblanadi. Hujumchi faoliyati davomida “Fafe”, “Lids”, “Barakaldo”, “Barton Albion”, “Mansfild Taun” kabi jamoalarda to‘p surgan. Sharkich Chernogoriya terma jamoasining turli yosh toifalarida maydonga tushgan, “Benfika” yoshlar jamoasi tarkibida Chempionlar Ligasida ishtirok etgan.
Avvalroq “Paxtakor” Sardor Rashidov, Ikrom Aliboyev, Avazbek O‘lmasaliyev, Mirjahon Mirahmadov kabi futbolchilarni o‘z safiga qo‘shib olgandi. Yegor Krimets, Anzur Ismoilov va Marlen Chobanov esa jamoa safini tark etdi.
“Paxtakor”ni 2021-yilgi mavsum chempioniga aylantirgan bosh murabbiy Piter Hyuistra jamoani tark etib, uning o‘rnini Slavche Voyneski egalladi.
Izoh (0)