“Arsenal” “Barselona”ga o‘tgan Pyer-Emerik Obameyangga shartnomani bekor qilgani uchun qancha to‘lashi ma’lum bo‘ldi

“Arsenal” hujumchi Pyer-Emerik Obameyangga shartnomani bekor qilgani uchun qancha kompensatsiya to‘lagani ma’lum bo‘ldi.

The Times xabariga ko‘ra, London klubi hujumchiga 2023-yilning yoziga qadar tuzilgan shartnomani bekor qilish uchun salkam 7 million funt (8,4 million yevro) to‘lagan. Ushbu kelishuvga ko‘ra, Obameyang haftasiga 350 ming funt (deyarli 420 ming yevro) olardi.

Qayd etilishicha, “Barselona” transfer oynasining so‘nggi kunida Obameyang transferini yakunlashi shart bo‘lmagan, chunki u klubga erkin agent maqomida kelib qo‘shilgan.

Kataloniya klubiga o‘tish uchun gabonlik futbolchi maoshining sezilarli darajada pasayishiga rozi bo‘lgan. Xabar qilinishicha, Obameyang “Barselona”da haftasiga 5 ming yevro maosh oladi, biroq keyingi mavsumdan bu miqdor oshadi.

Obameyang “ko‘k-anorranglilar” bilan 2025-yilning yoziga qadar mo‘ljallangan shartnoma imzoladi.