Transfermarkt portali 2021/22-yilgi mavsum qishki transfer oynasida eng ko‘p pul sarflagan va eng ko‘p daromad qilgan jamoalar ro‘yxatini e’lon qildi.
Yanvar oyidagi transfer oynasida saudiyaliklar qo‘liga o‘tgan “Nyukasl” eng ko‘p pul sarflagan klub bo‘ldi. Ingliz jamoasi yangi futbolchilar uchun 102 million yevro sarfladi. A Seriyada ishlari yurishmayotgan “Yuventus” 98 million yevro bilan ikkinchi o‘rinni egalladi. Turinliklar “Fiorentina” hujumchisi Dushan Vlahovichni o‘z safiga qo‘shib olishga muvaffaq bo‘ldi. Hozirgi kunda moliyaviy muammolar girdobida qolgan “Barselona” esa 55 million yevro sarflab, uchinchi o‘rinni band etdi.
Qishki transfer oynasida eng ko‘p pul sarflagan klublar:
1. “Nyukasl” — 102 mln yevro2. “Yuventus” — 98 mln yevro3. “Barselona” — 55 mln yevro4. “Liverpul” — 45 mln yevro5. “Everton” — 38 mln yevro6. “Aston Villa” — 30 mln yevro7. “Tottenhem” — 29 mln yevro8. “Fiorentina” — 28 mln yevro9. “Zenit” — 27 mln yevro10. “Uotford” — 25 mln yevro.
Qishki transfer oynasida eng ko‘p daromad ko‘rgan klublar ro‘yxatiga ko‘ra, Vlahovichni sotib yuborgan “Fiorentina” 82 million yevro bilan birinchi o‘rinda turibdi. “Manchester Siti” 55 million yevro bilan ikkinchi, “Portu” 49 million yevro bilan uchinchi o‘rinni egallagan.
Qishki transfer oynasida eng ko‘p daromad ko‘rgan klublar:
1. “Fiorentina” — 82 mln yevro2. “Man Siti” — 55 mln yevro3. “Portu” — 49 mln yevro4. “Lion” — 42 mln yevro5. “Everton” — 30 mln yevro6. “Byornli” — 30 mln yevro7. “Yuventus” — 29 mln yevro8. “Internasional” — 28 mln yevro9. “Lill” — 21 mln yevro10. “River Pleyt” — 17 mln yevro.
Izoh (0)