Сўнгги кунларда мамлакат йўлларида содир бўлган йўл-транспорт ҳодисалари тафсилотларини тақдим этамиз.
Юнусободда 18 ёшли ҳайдовчи пиёдани уриб кетди
21 январь куни, тахминан, соат 20:00 да Юнусобод туманида йўл-транспорт ҳодисаси рўй берди. Амир Темур кўчасида 18 ёшли ҳайдовчи Х.К. тегишли ҳужжатларсиз Volkswagen автомобилини бошқариб, пиёдани уриб юборган.
Оқибатда 59 ёшли Т.М. бадан шикастлари билан шифохонага етказилган. Воқеага ҳайдовчининг тажрибасиз экани ва пиёда йўлнинг белгиланмаган қисмидан кесиб ўтгани сабаб бўлган.
Наманганда Lacetti бетон тўсиққа урилди
2022 йил 29 январь куни соат 19:00 ларда Балиқчи–Пунгон йўлининг 62 километрида Мингбулоқ тумани «Қўғаликўл» МФЙ ҳудудида Мингбулоқ туманида яшовчи фуқаро (1968 йилда туғилган) Тўрақўрғон туманида яшовчи фуқарони (1966 йилда туғилган) номида бўлган Lacetti русумли автомашинани ишонч қоғози билан бошқариб бораётиб, ҳаракат хавфсизлигини таъминлай олмай, йўлнинг ўнг томонига чиқиб кетиб, бошқарувни йўқотиб, бетон тўсиққа урилган.
Оқибатда автомашина ҳайдовчиси оғир тан жароҳати олиб, воқеа жойида вафот этган.
Ушбу ҳолат бўйича Мингбулоқ туман ИИБ ҳузуридаги ТБ томонидан 2022 йил 29 январь куни 266-моддаси 2-қисми (одам ўлимига сабаб бўлган транспорт воситаларидан фойдаланиш хавфсизлиги қоидаларини бузиш) билан жиноят иши қўзғатилган.
Изоҳ (0)