Qirg‘iziston va Tojikiston chegarada o‘t ochishni to‘liq to‘xtatish, shuningdek, chegaradagi ziddiyat joyiga jalb etilgan qo‘shimcha kuch va vositalarni olib ketish to‘g‘risida kelishib oldi. Bu haqda Qirg‘iziston Chegara xizmatiga tayanib, “Interfaks” xabar berdi.
“Qirg‘iziston prezidentining Botken viloyatidagi vakolatli vakili Abdikarim Alimbayev va respublikaning Botken yo‘nalishidagi chegara vakili Kiyalbek To‘lonboyevning Tojikistonning So‘g‘d viloyati gubernatori Rajabba Ahmadzoda hamda respublika chegara vakili bilan muzokaralari yakunlariga ko‘ra, o‘t ochishni to‘liq to‘xtatish bo‘yicha, shuningdek, har ikki tomondan ham chegaraga jalb qilingan qo‘shimcha kuch va vositalarni doimiy joyiga olib ketish to‘g‘risida kelishuvlarga erishildi”,— deyiladi idora xabarida.
Bundan tashqari muzokaralar chog‘ida tomonlar Botken—Isfana (Qirg‘iziston) avtomobil yo‘lida harakatni tiklash, mojarolarning oldini olish maqsadida chegara hududlarida Qirg‘iziston va Tojikiston huquq-tartibot idoralari xodimlarining hamkorlikdagi patrul xizmatini o‘tkazish to‘g‘risida kelishib olgan.
Muzokaralarda Qirg‘iziston va Tojikiston huquq-tartibot idoralari vakillari ham ishtirok etgan.
Eslatib o‘tamiz, 27-yanvar kuni Qirg‘iziston chegara xizmati Qirg‘iziston-Tojikiston chegarasida Botken—Isfana yo‘lining to‘sib qo‘yilishi ortidan ziddiyat yuzaga kelgani haqida xabar berdi. Qirg‘iziston va Tojikiston chegara vakillari o‘rtasidagi muzokaralardan so‘ng yo‘lning bir qismi ochildi. Ammo keyin Qirg‘iziston va Tojikiston chegara qo‘shinlari bo‘linmalari o‘rtasida to‘qnashuv boshlandi. Qirg‘iziston Sog‘liqni saqlash vazirligi ma’lumotlariga ko‘ra, otishmada yetti kishi jarohatlangan. Respublikaning Favqulodda vaziyatlar vazirligi xabar berishicha, Tojikiston bilan chegaradosh hududdan deyarli 1,5 ming kishi evakuatsiya qilingan.
Tojikiston tomoni harbiylar va tinch aholi orasida qurbonlar borligini da’vo qilmoqda.
Mavzuga doir:
Izoh (0)