Xalqaro RIBA mukofotining navbatdagi g‘olibi e’lon qilindi. RIBA – ikki yilda bir marta Britaniya arxitektorlari qirollik instituti tomonidan e’lon qiladigan mukofot. Bu safar g‘oliblik Bangladeshdagi “Do‘stlik” shifoxonasiga nasib qildi, bino Urbana byurosi hamda arxitektor Xashef Chaudxuri tomonidan loyihalashtirilgan. Xalqaro sovrinning hakamlar hay’ati rahbari fransiyalik me’mor Odil Dekkning qayd etishicha, “Do‘stlik” binosi o‘zida insoniylik va himoya kabi umuminsoniy qadriyatlarni mujassam qilgan.
80 o‘rinli ushbu shifoxona Bangladesh janubi-g‘arbidagi Satkxira shahrida joylashgan. Bino qurilishiga katta mablag‘ sarf qilinmagan, loyiha shunday rejalashtirilganki, shifoxona dengiz sathining ko‘tarilishiga bog‘liq iqlimning har o‘zgarishiga bardoshli. Shifoxonaning ichki hovlisida tabiiy yorug‘lik ta’minoti va havo hamda shamol aylanishi ta’minlangan, hududdagi kanal vositasida zarur yomg‘ir suvini to‘plashga yordam beradi va bino atrofidagi ob-havoni mo‘tadillashtiradi, shuningdek, muassasadagi bemorlar va ularning yaqinlari kundalik tashvishlari, kasallik bilan bog‘liq gaplarni unutib, chalg‘iydilar, deyiladi mukofotning rasmiy saytida. G‘alaba qozongan loyiha bilan quyidagi suratlar orqali tanishish mumkin.
RIBA xalqaro mukofotining short-listiga “Do‘stlik” shifoxonadan tashqari Berlindagi Jeyms Simon galereyasi (arxitektor Devid Chipperfild) hamda Kopengagendagi Lille Langebro velosipedchilar va piyodalar uchun ko‘prigi (WilkinsonEyre va Urban Agency byurosi) kirgandi.
Izoh (0)