Toshkent shahar IIBB ko‘chaga zarurat bo‘lmasa, shaxsiy mashinada chiqmaslikni tavsiya qildi

Toshkent shahar IIBB poytaxt aholisi va mehmonlaridan zarurat bo‘lmasa, shaxsiy transport vositalaridan foydalanmaslikni so‘radi. Bu haqda idora matbuot xizmati xabar berdi.

“Hurmatli poytaxtimiz aholisi va mehmonlari! Shahrimizda elektr ta’minotida uzilish bo‘lgani sababli ko‘chalarda tirbandliklar yuzaga kelmoqda. Tirbandliklarning oldini olish maqsadida zarurat bo‘lmaganda shaxsiy transport vositalaridan foydalanmasligingizni so‘rab qolamiz.

Avvalroq 25-yanvar kuni soat 11:00 larda Toshkentning ko‘plab tumanlarida elektr energiyasi ta’minoti uzilgani to‘g‘risida xabar berilgandi. Ma’lumotlarga ko‘ra, elektr energiyasi Yunusobod, Chilonzor, Olmazor, Yashnobod, Bektemir, Mirobod, Shayxontohur va boshqa qator tumanlarda o‘chgan. Shuningdek, elektr energiyasi ta’minoti bilan bog‘liq muammolar nafaqat Toshkent shahrida, balki Chirchiq, Namangan, Samarqand, Jizzax va Qo‘qon shaharlari ham kuzatilmoqda.

Energetika vazirligining ma’lum qilishicha, Qozog‘iston Elektr tarmog‘ida katta avariya bo‘lishi oqibatida Olmaota, Chimkent, Taras, Turkiston (viloyatlarida) va atrof hududlarida Elektr eyenergiya ta’minotida o‘chishlar yuzaga kelgan.