O‘zbekistonning ko‘plab hududlarida elektr energiyasi tizimida kuzatilgan uzilishlar bois, isitish, oqova hamda ichimlik suv tarmoqlarida ham uzilishlar kuzatilishi mumkin. Bu haqda Uy-joy kommunal xizmat ko‘rsatish vazirligi ma’lum qildi.
Iqtisodchi Otabek Bakirovning yozishicha, tez orada mobil aloqada ham uzilishlar boshlanadi. Uning so‘zlariga ko‘ra, uyali aloqa kompaniyalarning bazaviy stansiyalari svet o‘chganda, dizel generatori bilan ishlaydi. Faqat dizel yonilg‘isi 2 soatlarga yetadi xolos.
Shu ma’noda agar elektr ta’minoti tiklanmasa, tez orada mobil aloqasida ham uzilishlar boshlanadi. Shuningdek, svet bo‘lmasa O‘zbekistonda aksariyat hududlarda suv ham bo‘lmaydi. Butun ‘vodokanal’ tizimining faoliyati nasoslar bilan ishlatiladi. Shu sababli ayni damda O‘zbekistonda svet va suv, ayrim joylarda isitish tizimi va kanalizatsiya uzildi, deyish o‘rinliroq”, — deb yozadi u.
Avvalroq 25-yanvar kuni soat 11:00 larda Toshkentning ko‘plab tumanlarida elektr energiyasi ta’minoti uzilgani to‘g‘risida xabar berilgandi. Ma’lumotlarga ko‘ra, elektr energiyasi Yunusobod, Chilonzor, Olmazor, Yashnobod, Bektemir, Mirobod, Shayxontohur va boshqa qator tumanlarda o‘chgan.
Telegram’dagi TashkentLand kanalining yozishicha, elektr energiyasi ta’minoti bilan bog‘liq muammolar nafaqat Toshkent shahrida, balki Chirchiq, Namangan, Samarqand, Jizzax va Qo‘qon shaharlari ham kuzatilmoqda.
Energetika vazirligining ma’lum qilishicha, ayni paytda mutaxassislar tomonidan nosozlikni tiklash ishlari olib borilmoqda.
Izoh (0)