Саудия Арабистонининг «Ан-Насср» жамоаси «Арсенал» ҳужумчиси Пьер-Эмерик Обамеянгга қизиқиш билдирмоқда.
Goal нашрининг хабар беришича, Ар-Риёд клуби лондонликларга футболчини 6,7 миллион фунтга сотиб олиш мажбурияти билан ижарага олиш таклифини билдирган. «Арсенал» ҳозирча ушбу таклифга жавоб бергани йўқ. «Канонирлар» Обамеянгни қишки трансферлар ойнасида сотиб юбориш вариантларини муҳокама қилмоқда.
Габонлик футболчи «Арсенал»нинг ички тартиб қоидаларини мунтазам равишда бузгани учун 2021 йил декабрь ойида сардорлик боғичидан маҳрум бўлганди.
2021/22 йилги мавсумда Обамеянг АПЛ доирасида 14 та ўйинда майдонга тушиб, 4 та гол ва битта голли узатмани ўз ҳисобига ёздириб қўйган.
Эслатиб ўтамиз, «Ан-Насср»да Жалолиддин Машарипов тўп суради. Ўзбекистонлик футболчи 2021 йилдан буён Саудия жамоаси шарафини ҳимоя қилиб келмоқда.
Изоҳ (0)