“Paxtakor” jamoasi yarim himoyachi Ikrom Aliboyevni o‘z safiga qo‘shib oldi. Bu haqida jamoa matbuot xizmati ma’lum qildi.
Aliboyev “sherlar” safiga erkin agent sifatida o‘tdi va bir yillik shartnomaga imzo chekdi.
28 yoshli futbolchi “Paxtakor” jamoasi tarbiyalanuvchisi hisoblanadi. Faoliyati davomida Janubiy Koreyaning “Seul” va “Tejon Sitizen” jamoalarida to‘p surgan. Undan tashqari “Lokomotiv” sharafini ham himoya qilgan.
Ikrom Superligada shu vaqtga qadar 97 ta o‘yinda maydonga tushgan va 11 ta gol muallifiga aylangan. Aliboyev uch martadan O‘zbekiston chempionati va Kubogi, bir bor O‘zbekiston Superkubogida g‘alaba qozongan.
Qishki transferlar oynasida “Paxtakor” Avazbek O‘lmasaliyev, Mirjahon Mirahmadov kabi futbolchilarni o‘z safiga qo‘shib olgandi. Yegor Krimets, Anzur Ismoilov va Marlen Chobanov esa jamoa safini tark etdi.
Ma’lumot uchun, “Paxtakor”ni 2021-yilgi mavsum chempioniga aylantirgan bosh murabbiy Piter Hyuistra jamoani tark etib, uning o‘rnini Slavche Voyneski egalladi.
Izoh (0)