Davlat statistika qo‘mitasi O‘zbekistonda 2021-yilda eng ko‘p ishlab chiqarilgan avtomobillar reytingini e’lon qildi.
Qayd etilishicha, bir yilda Cobalt avtomobili eng ko‘p ishlab chiqarilgan — 71 ming 82 dona. To‘liq reyting quyida:
- Cobalt — 71 ming 82 dona;
- Gentra — 51 ming 61 dona;
- Nexia-3 — 31 ming 466 dona;
- Damas — 55 ming 68 dona;
- Labo — 17 ming 308 dona;
- Spark — 9 ming 915 dona.
UzAuto Motors avgust oyida atigi 2 dona Gentra va birorta ham Spark ishlab chiqarmagandi. Kompaniya buni yarimo‘tkazgichlarning global tanqisligi va ishlab chiqarish bosqichma-bosqich transformatsiya qilingani bilan izohlab, shu doirada yagona platformadagi avtomobillarni ishlab chiqarishga o‘tish rejalashtirilganini ma’lum qilgan edi. Sentabr oxirlarida esa kompaniya Lacetti va Spark ishlab chiqarish tiklanganini e’lon qildi. Oktabr boshida esa UzAuto Motors Lacetti ishlab chiqarish hajmini oshirdi. Oktabr oxiriga borib kompaniya Lacetti va Labo yetkazib berishni 2 oyga kechiktirganini ma’lum qildi. Noyabr oxirida esa UzAuto Motors barcha turdagi avtomobillarini yetkazib berishni 2 oyga kechiktirdi.
2022-yilning 19-yanvarida esa UzAuto Motors kompaniyasi yarimo‘tkazgichlarning global yetishmovchiligi butun jahon avtomobil sanoatiga o‘z ta’sirini o‘tkazayotgani bois yana murojaat bilan chiqdi. Unda aytilishicha, xaridorlarga Lacetti va Cobalt avtomashinalari vaqtincha magnitolasiz yetkazib beriladi.
Izoh (0)