Jilokor xonatlaslar, baxmal do‘ppilar va libosga aylangan mayin ipak — Hunarmandlar markazidan fotoreportaj

Farg‘ona viloyati Marg‘ilon shahrida Hunarmandlar markazi joylashgan. Bino zamonaviy ko‘rinishga ega bo‘lsa ham, ichkarisini milliylik ruhi qoplab olgan.

Gap “Marg‘ilon ABR matolari” kooperativi haqida. Korxona 2020-yil 5-iyun kuni “Ismoiljon gilamlari” korxonasi qoshida ochilgan. Korxona ta’sischisi Ibrohimjon Sultonov 180 nafar ishsiz fuqaroni ish bilan ta’minlagan.

Korxonada, asosan, atlas adras va ipak matolari ishlab chiqariladi, hamda tayyor mahsulotlar tayyorlanadi. Korxona 2 qavatdan iborat bo‘lib, yerto‘lasida atlas va adras to‘qiladi, 1-qavatida galereya (chevarxona, podium, foto zona ) 2-qavatida ipak mahsulotidan qo‘lda to‘qiladigan gilam sexi joylashgan.

Quyida “Daryo” fotomuxbirining korxonadan tayyorlagan fotoreportajini taqdim etamiz.

Ma’lumot uchun, 2020-yil 6-iyunda ushbu markazga Shavkat Mirziyoyev tashrif buyurgandi.

Prezident matbuot xizmatining qayd etishicha, chevarlarga 3,5 million so‘mgacha maosh beriladi. Markaz 600 ishchiga mo‘ljallangan, xotin-qizlarning qolgani kasanachilik asosida uyda o‘tirib mehnat qiladi.