Давлат статистика қўмитаси Ўзбекистонда 2021 йилда энг кўп ишлаб чиқарилган автомобиллар рейтингини эълон қилди.
Қайд этилишича, бир йилда Cobalt автомобили энг кўп ишлаб чиқарилган — 71 минг 82 дона. Тўлиқ рейтинг қуйида:
- Cobalt — 71 минг 82 дона;
- Gentra — 51 минг 61 дона;
- Nexia-3 — 31 минг 466 дона;
- Damas — 55 минг 68 дона;
- Labо — 17 минг 308 дона;
- Spark — 9 минг 915 дона.
UzAuto Motors август ойида атиги 2 дона Gentra ва бирорта ҳам Spark ишлаб чиқармаганди. Компания буни яримўтказгичларнинг глобал танқислиги ва ишлаб чиқариш босқичма-босқич трансформация қилингани билан изоҳлаб, шу доирада ягона платформадаги автомобилларни ишлаб чиқаришга ўтиш режалаштирилганини маълум қилган эди. Сентябрь охирларида эса компания Lacetti ва Spark ишлаб чиқариш тикланганини эълон қилди. Октябрь бошида эса UzAuto Motors Lacetti ишлаб чиқариш ҳажмини оширди. Октябрь охирига бориб компания Lacetti ва Labо етказиб беришни 2 ойга кечиктирганини маълум қилди. Ноябрь охирида эса UzAuto Motors барча турдаги автомобилларини етказиб беришни 2 ойга кечиктирди.
2022 йилнинг 19 январида эса UzAuto Motors компанияси яримўтказгичларнинг глобал етишмовчилиги бутун жаҳон автомобиль саноатига ўз таъсирини ўтказаётгани боис яна мурожаат билан чиқди. Унда айтилишича, харидорларга Lacetti ва Cobalt автомашиналари вақтинча магнитоласиз етказиб берилади.
Изоҳ (0)