Ijtimoiy tarmoqlarda maktab o‘qituvchilari ertalabki badantarbiya paytida Shakiraning “Waka waka” qo‘shig‘iga raqsga tushgani aks etgan videolavha tarqaldi. Xalq ta’limi vazirligi holatga munosabat bildirdi.
Qayd etilishicha, ijtimoiy tarmoq foydalanuvchilari videoga “Ko‘zbo‘yamachilikning tubi bormi?!”, deya ta’rif bergan. Vazirlik matbuot kotibi bunga javoban quyidagilarni qayd etgan:
”Nahotki inson salomatligi va kayfiyati uchun amalga oshirgan ushbu ritmik badantarbiya mashqi ham biz uchun salbiy taassurot uyg‘otsa?!
Sog‘lom turmush tarzi fasl va joy tanlamaydi. Rivojlangan davlatlarda ham ish kuni mana shunday badantarbiya mashqlari bilan boshlanadi. Bunday kayfiyatda boshlangan kun ish faoliyatida ham o‘zining ijobiy ta’sirini ko‘rsatadi.
Mashqlar o‘qituvchilarga qanchalik kayfiyat bag‘ishlayotganini payqash qiyin emas”.
Mazkur videoda Andijon viloyati Jalaquduq tuman 1-IDUM xodimlarining ertalabki ritmik gimnastika mashg‘ulotlari aks etgan.
Mavzuga doir:
- XTV maktablarda geografiya fani soatlari qisqarayotganiga oid e’tirozlarga munosabat bildirdi
- Shanbalik uchun maoshidan pul ushlab qolinishiga “o‘z ixtiyori bilan” rozi bo‘lgan Andijon tibbiyot instituti o‘qituvchilariga pullari qaytarildi
- Sirdaryoda o‘qituvchilarni majburiy mehnatga jalb qilgan maktab direktori 12 mln so‘m jarimaga tortildi
- Surxondaryodagi maktabda o‘zaro janjallashgan o‘qituvchilarga jinoyat ishi qo‘zg‘atildi
- Toshkentda IIB xodimlari majlis zalida badantarbiya qildi (video)
Izoh (0)