Ижтимоий тармоқларда мактаб ўқитувчилари эрталабки бадантарбия пайтида Шакиранинг «Wаkа wаkа» қўшиғига рақсга тушгани акс этган видеолавҳа тарқалди. Халқ таълими вазирлиги ҳолатга муносабат билдирди.
Қайд этилишича, ижтимоий тармоқ фойдаланувчилари видеога «Кўзбўямачиликнинг туби борми?!», дея таъриф берган. Вазирлик матбуот котиби бунга жавобан қуйидагиларни қайд этган:
»Наҳотки инсон саломатлиги ва кайфияти учун амалга оширган ушбу ритмик бадантарбия машқи ҳам биз учун салбий таассурот уйғоца?!
Соғлом турмуш тарзи фасл ва жой танламайди. Ривожланган давлатларда ҳам иш куни мана шундай бадантарбия машқлари билан бошланади. Бундай кайфиятда бошланган кун иш фаолиятида ҳам ўзининг ижобий таъсирини кўрсатади.
Машқлар ўқитувчиларга қанчалик кайфият бағишлаётганини пайқаш қийин эмас».
Мазкур видеода Андижон вилояти Жалақудуқ туман 1-ИДУМ ходимларининг эрталабки ритмик гимнастика машғулотлари акс этган.
Мавзуга доир:
- ХТВ мактабларда география фани соатлари қисқараётганига оид эътирозларга муносабат билдирди
- Шанбалик учун маошидан пул ушлаб қолинишига «ўз ихтиёри билан» рози бўлган Андижон тиббиёт институти ўқитувчиларига пуллари қайтарилди
- Сирдарёда ўқитувчиларни мажбурий меҳнатга жалб қилган мактаб директори 12 млн сўм жаримага тортилди
- Сурхондарёдаги мактабда ўзаро жанжаллашган ўқитувчиларга жиноят иши қўзғатилди
- Тошкентда ИИБ ходимлари мажлис залида бадантарбия қилди (видео)
Изоҳ (0)