Швейцариянинг Цюрих шаҳрида 17 январь, душанба куни The Best совринларини топшириш маросими ўтказилди.
Барча совриндорлар аниқлангач, Португалия терма жамоаси ва «Манчестер Юнайтед» ҳужумчиси Криштиану Роналдуга ФИФАнинг махсус соврини топширилди.
2021 йилда терма жамоалар миқёсидаги голлари сони бўйича рекордни янгилади. Сентябрь ойида Роналду Португалия термасидаги голлари сонини 111 тага етказган ҳолда Али Дайининг (109) афсонавий рекордини ортда қолдириб, терма жамоалар тарихидаги энг яхши тўпурарга айланганди.
Унга ушбу совринни ФИФА президенти Жанни Инфантинонинг шахсан ўзи топширди. Қайд этиш керак, маросим эпидемиологик вазият сабаб онлайн режимда ва минимал иштирокчилар билан ўтказилди. Роналдудан бошқа барча совриндорлар онлайн табрикланган.
Изоҳ (0)