Futbol bo‘yicha Italiya chempionatining 22-turidan o‘rin olgan bir qator uchrashuvlar 16-yanvar, yakshanba kuni bo‘lib o‘tdi.
“Roma” o‘z maydonida “Kalyari”ni qabul qildi. Uchrashuvning 33-daqiqasida rimliklar safida debyutini o‘tkazgan Serjiu Oliveyra penaltini golga aylantirdi. Mazkur gol o‘yinda yagonaligini saqlab qoldi.
Eldor Shomurodov uchrashuvning 75-daqiqasida zaxiradan maydonga tushdi.
Ushbu g‘alabadan keyin “Roma” ochkolarini 35 taga yetkazib olgan holda 6-o‘ringa ko‘tarildi. “Kalyari” (16 ochko) esa 18-pog‘onada qoldi.
A Seriya
22-tur bahslari
16-yanvar, yakshanba
“Roma” — “Kalyari” 1:0
Gol: 1:0 – 33, penalti Serjiu Oliveyra.“Roma”: Ruy Patrisiu, Manchini, Kumbula, Vinya, Mxitaryan, Serjiu Oliveyra, Veretu (Bove, 90+4), Zaniolo (Karsdorp, 86), Meytlend-Naylz (Keramitsis, 90+4), Abraham, Afena-Gyan (Shomurodov, 75).
“Kalyari”: Kranyo, Zappa, Goldaniga, Altare (Galyano, 88), Karboni, Dalbert (Likoyannis, 80), Pereyro (Nandes, 69), Deyola, Marin, Joao Pedro, Pavoletti.
Ogohlantirishlar: Serjiu Oliveyra (23), Pavoletti (25), Karboni (27), Dalbert (32), Manchini (39), Afena-Gyan (58), Altare (70).
Izoh (0)