“Inter” Paulo Dibalani o‘z safiga qo‘shib olmoqchi.
Football Italia xabariga ko‘ra, “nerazzurilar” “Yuventus” hujumchisi Paulo Dibalani erkin agent sifatida qo‘lga kiritish istagida.
“Inter” bosh direktori Beppe Marotta futbolchining agenti bilan bog‘langan va bitim tafsilotlarini muhokama qilgan.
Milan jamoasi Dibalaga yiliga 7,5 million yevro maosh va 5 yillik shartnoma taklif qilmoqchi. Undan tashqari, futbolchiga har bir mavsum uchun bonuslar, shartnoma uchun ham katta miqdordagi bonus va’da qilingan. Paulo “Yuventus”da yiliga 7,3 million yevro maosh oladi.
Pauloning Turin klubi bilan shartnomasi 2022-yilda o‘z nihoyasiga yetadi.
Avvalroq agar shartnomani uzaytirish borasidagi vaziyat tubdan o‘zgarmasa, Turin klubi bilan hamkorlikni uzaytirmasligi haqida xabar berilgandi. Dibala “Yuventus” uning yangi bitim bo‘yicha qo‘ygan shartlariga ko‘nmaganidan ranjigan.
Klub Pauloning maoshini oshirmasligi, eng yaxshi holatda kelishuv avvalgi shartlar asosida uzaytirilishi ma’lum qilingandi.
Joriy mavsum argentinalik hujumchi A Seriyada 15 ta o‘yinda maydonga tushib, 6 ta gol va 3 ta golli uzatmani o‘z hisobiga yozdirib qo‘ydi.
Izoh (0)