“Stadionlar ochilishi shart!”. Niderlandiya klublari hukumatga ultimatum qo‘ydi

Niderlandiya chempionati klublari mamlakat Vazirlar mahkamasiga stadionlarga qo‘yilgan taqiqlarni olib tashlashni so‘rab chiqdi.

Xabarga ko‘ra, mamlakatda koronavirus bilan bog‘liq kasallanishlar ortib borayotganiga qaramasdan, klublar birgalikda 28-yanvardan boshlab futbol o‘yinlariga borishni taqiqlovchi qonunni olib tashlashni so‘rab murojaat qilgan. Agar ushbu murojaat bee’tibor qoldirilsa, ular o‘zlari stadionlarni ochishga tayyorligini bildirgan.

Biz har doim samimiy va hamkorlik qilishga tayyormiz, lekin vaqt tugadi. Yana professional futbol muxlislar bilan mas’uliyatli ravishda o‘yinlarni tashkil etishga qodirligini ko‘rsatmoqda: hech qanday infeksiya, yaxshi va ehtiyotkor nazorat.

Klublar endi tomoshabinlarsiz o‘ynay olmaydi. O‘tgan mavsumda sektorning zarari 100 million yevroni tashkil etdi va bu uzoq muddatli salbiy oqibatlarga olib keladi. Barchasi juda jiddiy! Bu futbolimiz sifatiga ta’sir ko‘rsatadi. Xorijiy mamlakatlar bilan raqobat qilolmaymiz, ular endi yuqorilab ketdi. Biz hamon virusning ‘omikron’ varianti bilan kurashayotgan bir vaqtda Yevropaning qolgan mamlakatlari stadionlari to‘la yoki qisman ochilgan. Bu raqobatbardoshlikka deyarli imkon qoldirmaydi.

Stadionlarning ochilishi — biz tomonimizdan qo‘yiladigan keyingi qadamdir. Biz sodiq muxlislar uchun ham bu ishni qilishga majburmiz. Har bir klub o‘z prezidenti bilan bu masalani hal qiladi. Professional futbol uni eshitishlarini xohlaydi!

Niderlandiya klublari bayonoti