Angliya Premyer Ligasida dekabr oyining eng yaxshilari aniqlandi.
“Manchester Siti” ustozi Pep Gvardiola Angliya Premyer Ligasining dekabr oyidagi eng yaxshi murabbiyi deb topildi. Gvardiola jamoasi dekabr oyida APLning 7 ta o‘yinida 7 ta g‘alaba erishdi.
Ispaniyalik mutaxassis shu tariqa 11-marta liganing eng yaxshi murabbiyi deb topildi. Bu borada u uchinchi eng yaxshi natijani qayd etib turibdi. Undan oldinda Aleks Fergyuson (27) va Arsen Venger (15) turibdi.
“Shaharliklar” vingeri Rahim Sterling esa dekabr yakunlariga ko‘ra, oyning eng yaxshi futbolchisi deb topildi. 27 yoshli Sterling dekabr oyida 5 ta o‘yinda ishtirok etib, 5 ta gol va bitta golli uzatmani amalga oshirdi.
Rahimdan tashqari ushbu sovrin uchun Joau Kanselu (“Manchester Siti”), Jeyms Meddison (“Lester”), Gabriel Martinelli, Martin Edegor (ikkalasi ham “Arsenal”), Meyson Maunt (“Chelsi”) va Son Hyon Min (“Tottenhem”) kabi futbolchilar kurash olib borgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)