Англия Премьер Лигасида декабрь ойининг энг яхшилари аниқланди.
«Манчестер Сити» устози Пеп Гвардиола Англия Премьер Лигасининг декабрь ойидаги энг яхши мураббийи деб топилди. Гвардиола жамоаси декабрь ойида АПЛнинг 7 та ўйинида 7 та ғалаба эришди.
Испаниялик мутахассис шу тариқа 11-марта лиганинг энг яхши мураббийи деб топилди. Бу борада у учинчи энг яхши натижани қайд этиб турибди. Ундан олдинда Алекс Фергюсон (27) ва Арсен Венгер (15) турибди.
«Шаҳарликлар» вингери Раҳим Стерлинг эса декабрь якунларига кўра, ойнинг энг яхши футболчиси деб топилди. 27 ёшли Стерлинг декабрь ойида 5 та ўйинда иштирок этиб, 5 та гол ва битта голли узатмани амалга оширди.
Раҳимдан ташқари ушбу соврин учун Жоау Канселу («Манчестер Сити»), Жеймс Мэддисон («Лестер»), Габриэль Мартинелли, Мартин Эдегор (иккаласи ҳам «Арсенал»), Мэйсон Маунт («Челси») ва Сон Ҳён Мин («Тоттенҳэм») каби футболчилар кураш олиб борганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)