Ispaniya Superkubogi yarim final bahsida “Atletiko M” va “Atletik B” jamoalari 13-yanvar, payshanba kuni o‘zaro bahs olib bordi.
Uchrashuvning 62-daqiqasida Unai Simon o‘z darvozasiga gol urib, madridliklarni hisobda oldinga chiqib olishiga yordam berdi. Shundan so‘ng 77-daqiqada Yeray Alvares, 81-daqiqada esa Niko Uilyams gol urib, “Atletik B”ning irodali g‘alabasini ta’minladi.
Shu tariqa “Atletik” Ispaniya Superkubogi finaliga yo‘l oldi. Birinchi yarim finalda “Real” “Barselona”ni mag‘lub etib, final yo‘llanmasiga ega chiqqandi. “Real” va “Atletik B” o‘rtasidagi Superkubok finali 16-yanvar kuni bo‘lib o‘tadi.
Ispaniya Superkubogi
Yarim final bahsi
13-yanvar, payshanba
“Atletiko M” — “Atletik B” 1:2
Gollar: 1:0 – 62, avtogol Unai Simon, 1:1 – 77 Yeray Alvares, 1:2 – 81 Uilyams.“Atletiko”: Oblak, Vrsalko, Ximenes, Ermoso, Lyorente (Lodi, 46), Karrasko, Koke (Errera, 84), Kondogbia (de Paul, 51), Lemar (Mateus Kunya, 85), Korrea (Suares, 71), Joau Feliks.
“Atletik”: Unai Simon, De Markos, Martines, Yeray Alvares, Balensiaga (Berchiche, 75), Dani Garsiya, Sarraga (Vesga, 70), Sanset (Raul Garsiya, 70), Berenger (Uilyams, 70), Uilyams, Muniain.
Ogohlantirishlar: Martines (83), Vesga (90), Uilyams (90+1), Vrsalko (90+1).
Chetlatish: Ximenes (90+4)
Izoh (0)