Qozog‘iston prezidenti va Xavfsizlik kengashi raisi Qosim-Jo‘mart To‘qayev parlamentda nutq so‘zladi hamda hukumat oldida turgan muhim masalalar yechimi haqida gapirdi. Meduza To‘qayevning parlamentdagi nutqining qisqacha mazmuni haqida material e’lon qildi.
Total terrorchilik hujumlariga qarshi turish uchun huquqni muhofaza qilish tizimini isloh qilish va barcha maxsus bo‘linmalar xodimlarining maoshini oshirish zarur.Parlamentdagi murojaatdan ma’lum vaqt o‘tgach, Qozog‘iston prezidentining farmoni bilan mamlakatdagi yangi hukumat tarkibi tasdiqlandi.Qozog‘istondagi fojiaviy hodisalar davlat organlarining ma’lum qismi tomonidan faoliyatning noto‘g‘ri tashkil qilingani tufayli yuz berdi. Amaldorlar fuqarolar hayotidan, ularning orzu-istaklari, g‘oyalaridan uzoqlashdi, ijtimoiy tengsizlik muammosi keskinlashdi, moliyaviy oligarxlar guruhi esa iqtisodiy o‘sishdan foyda ko‘raverdi.
Davlatning qo‘llab-quvvatlash choralari maxsus katta tuzilmalarga “hammasi do‘stlarga, qolgani esa qonun doirasida taqsim qilinadi” tamoyili asosida ajratilgan. Bunday yondashuvni o‘zgartirish kerak. Hukumat a’zolari, viloyatlar, hududlar hokimlari va deputatlarning oylik maoshini oshirmaslik bo‘yicha besh yillik moratoriy e’lon qilaman. Davlat xizmatiga xalqning murojaat qilishi bo‘yicha qo‘shimcha to‘siqlar va yuklamalar olib tashlanadi, davlat organlari har bir qozog‘istonlik uchun ochiq bo‘lishi zarur.
Tashabbus ko‘rsatmaydigan, yillar davomida amal kursisida bir ish qilmay o‘tirgan amaldorlar bilan xayrlashish oson. Ijtimoiy adolat — eng muhim masala. “Qozog‘iston xalqi uchun” jamg‘armasini tashkil qilishni taklif etaman, fond sog‘liqni saqlash, ta’lim va ijtimoiy yordam muammolarini hal qilish ustida ishlaydi.
Qozog‘istonning birinchi prezidenti tufayli mamlakatda serdaromad kompaniyalar paydo bo‘ldi, boylar ko‘paydi va biz ularning har birini yaxshi taniymiz. Ular har yili mazkur jamg‘armaga mablag‘ o‘tkazib turishadi. Soyada qolayotganlardan ham mazkur jarayonda faol ishtirok etishlarini so‘rayman va buni kutib qolaman. Birgalikda Yangi Qozog‘istonni barpo etamiz!
Qosim-Jo‘mart To‘qayev, Qozog‘iston prezidenti
Hukumat tarkibi quyidagicha:Sklyar Roman — bosh vazirning birinchi o‘rinbosari;Tugjanov Erali — bosh vazir o‘rinbosari;Tilovberdi Muxtor — bosh vazir o‘rinbosari – tashqi ishlar vaziri;Sultonov Baxit — bosh vazir o‘rinbosari – savdo va integratsiya vaziri;Koyshibayev Galimjan — bosh vazir devonxonasi rahbari;Bektanov Murat — mudofaa vaziri;Turgumbaev Erlan — ichki ishlar vaziri;Umarov Asqar — axborot va jamiyat taraqqiyoti vaziri;Karashukeyev Erbol — qishloq xo‘jaligi vaziri;Musin Kanat — adliya vaziri;Aymagabetov Asxat — ta’lim va ilm-fan vaziri;Giniyat Ajar — sog‘liqni saqlash vaziri;Shapkenov Serik — mehnat va aholini ijtimoiy himoyalash vaziri;Uskenbayev Kairbek — sanoat va infratuzilmani rivojlantirish vaziri;Jamaubayev Yerulan — moliya vaziri;Abayev Dauren — madaniyat va sport vaziri;Ilyin Yuriy — favqulodda vaziyatlar vaziri;Kuantirov Alibek — milliy iqtisodiyot vaziri;Musin Bagdat — raqamli rivojlanish, innovatsiyalar va aerokosmik sanoat vaziri;Brekeshev Serikkali — ekologiya, geologiya va tabiiy resurslar vaziri;Akchulakov Bo‘lat — energetika vaziri.
Avvalroq Qozog‘iston prezidenti Qosim-Jo‘mart To‘qayev parlamentdagi chiqishi chog‘ida Alixon Smailovni bosh vazir etib tayinlashni taklif qilgan, deputatlar mazkur tashabbusni bir ovozdan ma’qullagandi.
Qozog‘istondagi vaziyat 2-yanvar kuni Janao‘zen shahrida (Mang‘istov viloyatidagi shahar) suyultirilgan gaz narxining ikki baravar oshishiga qarshi mitinglar boshlanganidan so‘ng keskinlashdi. Chiqishlar iqtisodiy va siyosiy talablar bilan butun mamlakat bo‘ylab ommaviy norozilik namoyishlariga aylanib ketdi. 4 va 5-yanvar kunlari Olmaotada namoyishchilarning xavfsizlik xodimlari bilan to‘qnashuvi kuzatildi. 6-yanvarda Kollektiv xavfsizlik shartnomasi tashkiloti (KXShT) tinchlikparvar kuchlari Qozog‘istonga jo‘natdi. 7-yanvarda To‘qayev Qozog‘istonda konstitutsiyaviy tartib tiklanganini e’lon qildi va mamlakat bo‘ylab terrorchilik xavfining yuqori darajasi joriy etildi. 11-yanvarda Qozog‘iston prezidenti Qosim-Jo‘mart To‘qayev parlament majlisida Kollektiv xavfsizlik shartnomasi tashkiloti (KXShT) tinchlikparvar kuchlarining Qozog‘istondagi asosiy missiyasi yakunlanganini ma’lum qilgan.
Izoh (0)