Қозоғистон президенти ва Хавфсизлик кенгаши раиси Қосим-Жўмарт Тўқаев парламентда нутқ сўзлади ҳамда ҳукумат олдида турган муҳим масалалар ечими ҳақида гапирди. Meduza Тўқаевнинг парламентдаги нутқининг қисқача мазмуни ҳақида материал эълон қилди.
Тотал террорчилик ҳужумларига қарши туриш учун ҳуқуқни муҳофаза қилиш тизимини ислоҳ қилиш ва барча махсус бўлинмалар ходимларининг маошини ошириш зарур.Парламентдаги мурожаатдан маълум вақт ўтгач, Қозоғистон президентининг фармони билан мамлакатдаги янги ҳукумат таркиби тасдиқланди.Қозоғистондаги фожиавий ҳодисалар давлат органларининг маълум қисми томонидан фаолиятнинг нотўғри ташкил қилингани туфайли юз берди. Амалдорлар фуқаролар ҳаётидан, уларнинг орзу-истаклари, ғояларидан узоқлашди, ижтимоий тенгсизлик муаммоси кескинлашди, молиявий олигархлар гуруҳи эса иқтисодий ўсишдан фойда кўраверди.
Давлатнинг қўллаб-қувватлаш чоралари махсус катта тузилмаларга «ҳаммаси дўстларга, қолгани эса қонун доирасида тақсим қилинади» тамойили асосида ажратилган. Бундай ёндашувни ўзгартириш керак. Ҳукумат аъзолари, вилоятлар, ҳудудлар ҳокимлари ва депутатларнинг ойлик маошини оширмаслик бўйича беш йиллик мораторий эълон қиламан. Давлат хизматига халқнинг мурожаат қилиши бўйича қўшимча тўсиқлар ва юкламалар олиб ташланади, давлат органлари ҳар бир қозоғистонлик учун очиқ бўлиши зарур.
Ташаббус кўрсатмайдиган, йиллар давомида амал курсисида бир иш қилмай ўтирган амалдорлар билан хайрлашиш осон. Ижтимоий адолат — энг муҳим масала. «Қозоғистон халқи учун» жамғармасини ташкил қилишни таклиф этаман, фонд соғлиқни сақлаш, таълим ва ижтимоий ёрдам муаммоларини ҳал қилиш устида ишлайди.
Қозоғистоннинг биринчи президенти туфайли мамлакатда сердаромад компаниялар пайдо бўлди, бойлар кўпайди ва биз уларнинг ҳар бирини яхши таниймиз. Улар ҳар йили мазкур жамғармага маблағ ўтказиб туришади. Сояда қолаётганлардан ҳам мазкур жараёнда фаол иштирок этишларини сўрайман ва буни кутиб қоламан. Биргаликда Янги Қозоғистонни барпо этамиз!
Қосим-Жўмарт Тўқаев, Қозоғистон президенти
Ҳукумат таркиби қуйидагича:Скляр Роман — бош вазирнинг биринчи ўринбосари;Тугжанов Эрали — бош вазир ўринбосари;Тиловберди Мухтор — бош вазир ўринбосари – ташқи ишлар вазири;Султонов Бахит — бош вазир ўринбосари – савдо ва интеграция вазири;Койшибаев Галимжан — бош вазир девонхонаси раҳбари;Бектанов Мурат — мудофаа вазири;Тургумбаэв Эрлан — ички ишлар вазири;Умаров Асқар — ахборот ва жамият тараққиёти вазири;Карашукеев Эрбол — қишлоқ хўжалиги вазири;Мусин Канат — адлия вазири;Аймагабетов Асхат — таълим ва илм-фан вазири;Гиният Ажар — соғлиқни сақлаш вазири;Шапкенов Серик — меҳнат ва аҳолини ижтимоий ҳимоялаш вазири;Ускенбаев Каирбек — саноат ва инфратузилмани ривожлантириш вазири;Жамаубаев Ерулан — молия вазири;Абаев Даурен — маданият ва спорт вазири;Илйин Юрий — фавқулодда вазиятлар вазири;Куантиров Алибек — миллий иқтисодиёт вазири;Мусин Багдат — рақамли ривожланиш, инновациялар ва аэрокосмик саноат вазири;Брекешев Сериккали — экология, геология ва табиий ресурслар вазири;Акчулаков Бўлат — энергетика вазири.
Аввалроқ Қозоғистон президенти Қосим-Жўмарт Тўқаев парламентдаги чиқиши чоғида Алихон Смаиловни бош вазир этиб тайинлашни таклиф қилган, депутатлар мазкур ташаббусни бир овоздан маъқуллаганди.
Қозоғистондаги вазият 2 январь куни Жанаўзен шаҳрида (Манғистов вилоятидаги шаҳар) суюлтирилган газ нархининг икки баравар ошишига қарши митинглар бошланганидан сўнг кескинлашди. Чиқишлар иқтисодий ва сиёсий талаблар билан бутун мамлакат бўйлаб оммавий норозилик намойишларига айланиб кетди. 4 ва 5 январь кунлари Олмаотада намойишчиларнинг хавфсизлик ходимлари билан тўқнашуви кузатилди. 6 январда Коллектив хавфсизлик шартномаси ташкилоти (КХШТ) тинчликпарвар кучлари Қозоғистонга жўнатди. 7 январда Тўқаев Қозоғистонда конституциявий тартиб тикланганини эълон қилди ва мамлакат бўйлаб террорчилик хавфининг юқори даражаси жорий этилди. 11 январда Қозоғистон президенти Қосим-Жўмарт Тўқаев парламент мажлисида Коллектив хавфсизлик шартномаси ташкилоти (КХШТ) тинчликпарвар кучларининг Қозоғистондаги асосий миссияси якунланганини маълум қилган.
Изоҳ (0)