Qirg‘iziston prezidenti Sadir Japarov qisqa muddatli ta’tilga chiqdi. Bu haqda davlat rahbarining matbuot xizmatiga tayanib, “RIA Novosti” xabar berdi.
“Qirg‘iziston Respublikasi prezidenti Sadir Japarov 10-yanvardan qisqa muddatli ta’tilga chiqdi”, — deya ma’lum qilgan matbuot xizmati vakili.
Uning so‘zlariga ko‘ra, Qirg‘iziston rahbari “mamlakat va mintaqadagi vaziyat to‘g‘risida to‘liq ma’lumot olishda davom etmoqda, shuningdek, Vazirlar Mahkamasi va boshqa davlat organlari rahbariyati bilan doimiy aloqada bo‘lib turibdi”.
Sadir Japarovning ta’tilga chiqishi sabablari haqida xabar berilmagan.
KXShT Kollektiv xavfsizlik kengashining navbatdan tashqari sessiyasida Qirg‘iziston prezidentining o‘rniga respublika Vazirlar Mahkamasi raisi Oqilbek Japarov onlayn tarzda ishtirok etgan. Sessiyada Qozog‘istondagi vaziyat va uni normallashtirish choralari muhokama qilingan.
Videokonferensaloqa formatidagi KXShT sammiti 10-yanvar, dushanba kuni bo‘lib o‘tdi.
Avvalroq Qirg‘iziston prezidenti o‘z vakolatlarini kengaytirgani haqida xabar berilgandi.
Izoh (0)