9-yanvar kuni Los-Anjelesda temiryo‘l relsiga qulagan samolyotning uchuvchisi poyezd bilan to‘qnashuvdan bir necha soniya oldin qutqarib olindi. Bu haqda CBS Los Angeles xabar berdi.
Bir dvigatelli Cessna 172 samolyoti Uaytman aeroporti yaqinida temiryo‘lga qulagani xabar qilingan. Los-Anjeles o‘t o‘chirish departamenti vakili Brayan Xamfri samolyotda faqat uchuvchi bo‘lganini aytdi.
Los-Anjeles politsiya byurosi ma’lumotlariga ko‘ra, samolyot quvvatini yo‘qotib, relslar ustiga qulab tushgan.
Politsiya uchuvchini yaqinlashib kelayotgan poyezd bilan to‘qnashuvdan bir necha soniya oldin samolyotdan olib chiqishga muvaffaq bo‘ldi.
Tez tibbiy yordam xodimlari uchuvchini kasalxonaga olib ketdi, uning ahvoli barqaror ekani aytilmoqda.
Germaniyada 4-dekabr kuni bir dvigatelli A62 samolyoti avtomobil ko‘prigi ustiga favqulodda qo‘ngan va yuk mashinasi g‘ildiraklariga borib urilgandi. Favqulodda qo‘nish va yuk mashinasi bilan to‘qnashuv natijasida uchuvchi yengil tan jarohati olgan, yuk mashinasi haydovchisi jabrlanmagan.
Izoh (0)