Farg‘ona viloyati Furqat tumanida 5-yanvar kuni fuqaroning uyiga g‘ayriqonuniy ravishda bostirib kirib, bosqinchilik qilgan shaxslar qo‘lga olindi. Bu haqda viloyat Ichki ishlar boshqarmasi xabar qildi.
Ma’lum qilinishicha, shu kuni soat 21:30 atrofida R.S. S.S. va I.B. ismli uch nafar shaxs oldindan jinoiy til biriktirib, o‘zganing mol-mulkini bosqinchilik yo‘li bilan qo‘lga kiritish maqsadida, niqoblangan holda, pichoq va skotch bilan qurollanib, “Istiqlol” mahallasida yashovchi X.M. ismli ayolning yashash xonadoniga bostirib kirgan. Ular ayol va uning voyaga yetmagan qiziga oshxona pichog‘i bilan hujum qilib, tanasining turli joylariga urib, hayot va sog‘liq uchun xavfli zo‘rlik ishlatib, qo‘l, oyoq va og‘iz sohalarini skotch bilan bog‘lagan.
Bosqinchilar uydagi narxi 3 million so‘mlik tilla-taqinchoqlarni talon-toroj qilib, voqea joyidan yashirinayotgan vaqtda tuman IIB xodimlari tomonidan daliliy ashyolar bilan qo‘lga olingan.
Holat yuzasidan uch nafar shaxsga nisbatan Jinoyat kodeksining 164-moddasi 3-qismi “v” bandi (uy-joyga, omborxona yoki boshqa binolarga g‘ayriqonuniy ravishda kirgan holda bosqinchilik qilish) bilan jinoyat ishi qo‘zg‘atilib, protsessual tartibda ushlangan.
Mazkur jinoyat uchun o‘n yildan o‘n besh yilgacha ozodlikdan mahrum qilish jazosi tayinlanadi.
Mavzuga doir:
- Qashqadaryoda pistolet va elektroshoker bilan fuqaroning pul va buyumlarini tortib olgan shaxslar ushlandi
- Toshkentda o‘zi ishlagan xonadonga kirib, 15 ming dollarni o‘g‘irlab ketgan usta va uning 6 sherigi ushlandi (video)
- Toshkentda “kinolarda ko‘rganidek” do‘konga o‘g‘rilikka tushib, 1,4 mln so‘m va tamaki o‘g‘irlagan shaxslar ushlandi
Izoh (0)