Afg‘onistonning Samangan viloyatida mamlakatning eng keksa fuqarosi — 144 yoshli mavlaviy Muhammad Amin To‘tor vafot etdi. Bu haqda Afg‘oniston milliy televideniyesiga tayanib, “Interfaks” xabar berdi.
Buyuk Mavlaviy nomi bilan mashhur bo‘lgan Muhammad Amin To‘tor mamlakatning taniqli olim va oqsoqollaridan edi. U bundan 90 yil muqaddam Omonullaxon davrida Hindistondagi Deoband madrasasini tamomlagan va 15 ta hukumatni ko‘rgan.
Qarindoshlarining aytishicha, Mavlaviy Muhammad Amin to‘rt marta uylangan hamda umri davomida farzandlarining bir necha avlodini ko‘rgan. Erkakning yoshi hujjatlashtirilmagan, uning hayoti haqidagi barcha ma’lumotlar faqat qarindoshlarining so‘zlariga asoslangan.
2021-yilning noyabr oyida filippinlik Fransiska Susano 124 yoshida vafot etgandi. Susanoning evarasi Jonatanning so‘zlariga ko‘ra, Fransiskaning o‘limi vaqtida unda biror kasallik alomatlari aniqlanmagan.
Avvalroq yaponiyalik 107 yoshli opa-singillar Ginnesning rekordlar kitobidan dunyodagi eng keksa egizaklar sifatida o‘rin olgani, sayyoraning eng keksa ayoli uzoq umr ko‘rish bo‘yicha rekord o‘rnatgani to‘g‘risida xabar berilgandi.
Mavzuga doir: Tojikistondagi eng keksa ayol 126 yoshida vafot etdi
Izoh (0)